《團圓》
十一假期連著中秋節，屋企人問我：「放假一唔一齊去轉日本？」
「實在太過份喇！國慶加中秋佳節唔係應該留港消費㗎咩？！」自稱愛國愛港的小妹極力批評。
「又有道理，但我哋前教育局局長都係成日去日本喎，我覺得要向佢學習學習！」
「你都啱，但係咁喎，之前有青年主席講過要去少啲日本先儲到首期，去咗我就上唔到車㗎啦！」
「但你都已經唔係青年啦，對你唔適用喎！」咦，是中女嗎？！
為了身體力行譴責他們，只好跟隨諄諄善誘，勸喻回頭是岸。
*****
瞬間去到當地。
「咦，點解周圍都係普通話人嘅？！」
「應該全部都係台灣人嚟嘅......」
果然大家都口裡說不，身體卻很誠實。繼續周圍遊蕩，遇到不少友善的當地人，想起以前的一位日本客人。嚴格來說，那個日本佬不算是我的客人，而是靚仔MK同事的客人。
「喂，呢排聽講你煲緊張大單喎，堅唔堅啊？」
「😌係啊，我個日本客好buy做P-Fin，我一sell佢已經好有興趣。」
「咁做幾大到？」
「細細哋，8球啫。」
「Yen?!」
「😒」
最後結果是？
不得不承認，有時做sales就是坐上一個永不停止的摩天輪，一圈又一圈的轉。靚仔MK同事忙完一大輪，才知道原來日本人在香港基本上不能投保。
此刻，我所坐的摩天輪已回到起點，即將重新開始另一圈。反正高處的風光已經留在腦海裡，是時候踏出車廂了。
摩天輪以外，還有許多醉人的風景待我找尋。而且，我相信有家人陪伴，處處也是風光。
各位，祝人月兩臀圓，中秋節快樂！
Search